Yamuna Ghat Ki Subah
— jab suraj bhi tumse baad utra tha

Dilli ki sabse khoobsurat subah thi wo,
jab hum dono ghar se nikal pade the,
suraj se pehle...
aur suraj ne jaise humara intezaar kiya ho —
humein dekhkar hi utra ho narm-narm sa,
aasmaan ne pehna tha laal dupatta,
aur Yamuna ki lehron ne tumhara aaina banna chaha tha.
Wahan hum the —
sirf hum, aur kuchh pankh jhapatte kabootar,
ek shaant sa boat,
jisme sirf do dil the —
aur unka dard, unki baat, unka pyaar...
Humne boating ki,
jisme har lehr pe tumhara chehra tha —
aur camera bhi hairaan tha,
ke itni pyari pics kahaan se aayein.
Yaad hai wo log?
jinhone tumhara shawl maanga tha,
aur badle mein hamari tasveer kheechi thi,
aur wo bhai,
jinhone humein kaha tha —
"aap dono bohot khoobsurat lagte ho saath mein"
aur unhone humein social media pe post bhi kiya...
Sab kuch perfect tha —
subah bhi, tum bhi, baatein bhi,
aur woh halka sa kanpate hue haathon ka milna bhi...
Mujhe bhi aisi aur subah chahiye...
jahaan tum ho, ghat ho,
aur ek boat ho jisme mohabbat lehron pe chalti ho...
Comments